العودة   مجتمع فيكشن | © Fiction Community > Fiction Corner > » BLOGS !

حآئطيةة فيكشن "()

» BLOGS ! مستوطنْ لـِ |حروفكمْ ,, مدونات آلْ فيكشن ,!
 -+ إقرا القوانين  !

إضافة رد
 
أدوات الموضوع انواع عرض الموضوع
قديم منذ /01-14-2019, 01:02 AM   #7

23

? How much is too much

http://fic-d.com/up/do.php?imgf=1523802846351.png

 

الصورة الرمزية 23

 

 

  23 متواجد حالياً

عُضويتيّ 927
الجِنسْ
تَسجِيلي May 2016
مُشآركاتيَ 1,143
نقاطي 495503
شَكرَني 3,063
شُكرت 1,771
حلآلي : 1837
قوة المستوى  :
 
 

-













مسا الورد
اليوم كان عادي نفس اي يوم . .
مابعرف ليش لما احكي لأي سوري قدم لجوء
عن حالتي بيحكيلي انو اييييي رح تتعودي انا ضليت سنة و مدري
كم يوم بدون كورس لغة طققوا قلبي ! ع اساس يعني عم يشجعوني ع حالتي
مشكلة المانيا بطيييييئة بكل شي و دمهم بااارد و انا بدي بلش بسرعة
بخلوا الواحد يروح حماسو ع الفاضي . .
\
تخيلوا من وقت ما وصلت المانيا و انا على نفس القعدة مافيني سوي اي شي
بسبب اللغة و بعد المناطق كل يوم بحط هالشيشة و احضر تلفزيون . .

جاية ابيض يا ورد كل غراضي بالامارات و عدة الرسم
لك اللابتوب مبارح وصل تخيلوا ع حياة الملل الي عايشتها حاليا

المهم ماعلينا . . بكرا رح بلش بشي اسمو ماسنامه طبعا هي كلمة المانية حتى مابعرف شو معناها
حافظة انا مو فاهمة هي دورة اندماج بعلموني شوي عن اللغة ( ههو مو كورس لغة )
بس بيعطونا فكرة عنها و بعلمونا عن القوانين عاد تخيلوا ع هالتفاهة بصحوني الساعة 6 بس مشان اخد محاضرة
عن القوانين و يخربيتن مافينو الواحد يتساهل معن اذا غبت بيخصموا من راتبي

لا و مدتو 5 ساعات لمدة 5 ايام ! نفسي اعرف شو بيحكوا بكل هالوقت ! يعني بيوم واحد بيقدروا يحكوا
كل الي بدن ياه بس هيك اكل هوا . .

بس هو فكرتو انو الناس الي متلي الي لسا جديدة عم يدربوهم ع الجو و هيك و انن يختلطوا مع الناس و هيك
بس ان شاء الله خير بنشوف بكرا اول يوم بالحياة العملية .

الي قاهرني و مزعلني انو كورس اللغة تبعي احتمال يتأخر و اذا تأخر انا باكلها ف عم فكر ادرسها بالبيت
و اخد فكرة عنها عاد اذا بلشت اتعلمها رح اصرعكم فيها .

و لهلأ انا مو عارفة من وين بلش بالتصميم عنجد ضايعة و اذا سالتوني شو أكره شي علي ؟ بحكيلكن
اني اخد لابتوب جديد و نزل كل قشي عليه .. سالفة طويييييلة . .

تخيلوا الفوتشوب لحتى نزل اخد شي 4 ساعات !! و اعدادات اللابتوب اخد مني ساعتين
عنجد مابحب و غلظتي اني ما جبت هارد ديسك مشان حظ عليه كل اشياء الفوتوشوب .
و على فكرة كل مرة بسوي نفس الخطأ . بس هالمرة رح جيب
لاني عنجد بلابي القديم كان عندي شي 3000 ملحق و كلهم بح راحوا ههههههههههههه
اصلا عادي .

لحد هلأ هي اخباري معكم زينة من قلب الحدث
تشووووس < يعني الى اللقاء بالالماني بلشنا



 

 

 


  رد مع اقتباس مشاركة محذوفة
الأعضاء الذين قالوا شكراً لـ 23 على المشاركة المفيدة:
قديم منذ /01-14-2019, 07:44 PM   #8

23

? How much is too much

http://fic-d.com/up/do.php?imgf=1523802846351.png

 

الصورة الرمزية 23

 

 

  23 متواجد حالياً

عُضويتيّ 927
الجِنسْ
تَسجِيلي May 2016
مُشآركاتيَ 1,143
نقاطي 495503
شَكرَني 3,063
شُكرت 1,771
حلآلي : 1837
قوة المستوى  :
 
 

-











عدنا اليكم من جديد < مابعرف ليه سمعت صوت سبيستون
و الله اليوم كان تعب شديد !! و الله العظيم ما بمزح معكن انا حاسة اني ختيرت
عنجد ختيرت يعني بالامارات كنت فوت و اطلع و امشي و العب رياضة يعني معقول
الحياة بألمانيا اشد من هيك . و الله البرد بهد الحيل و بيحكولي البرد احسن من الحر
من وين لوين احسن ؟ و الله تكسر جسمي تكسير هيك بتحسوا العظم نفسو بيوجع مابعرف كيف
هاد غير اذا ضرب الوجه و تغنوا اغنية الله ماكبر غلاك من كثر ماهو باااااااااارد هههههههههههههه

رجعت من المعهد تعبااااانة مع اني و الله ما سويت شي متعب ! رجعت تغديت حطيت راسي و نمت و هلأ معكن
لازم صحتي تتحسن شو هاد خطوة ولا خطوتين بموت و بتعب والله مارح ضاين بألمانيا
الله كريم . .



 

 

 


  رد مع اقتباس مشاركة محذوفة
قديم منذ /01-14-2019, 08:03 PM   #9

23

? How much is too much

http://fic-d.com/up/do.php?imgf=1523802846351.png

 

الصورة الرمزية 23

 

 

  23 متواجد حالياً

عُضويتيّ 927
الجِنسْ
تَسجِيلي May 2016
مُشآركاتيَ 1,143
نقاطي 495503
شَكرَني 3,063
شُكرت 1,771
حلآلي : 1837
قوة المستوى  :
 
 

-













أقوى حمض في العالم



أقوى حمض علي الاطلاق هو حمض فلوروانتيمويك (fluoroantimonic)
وهو ببساطة أقوى حمض تمت صناعته إذ يملك درجة حموضة تقدر بحوالي (31-) .

في حال سقوط قطرة من الحمض على الجلد لن تقوم بإحراقه بل ستقوم بإذابة لحمك
وعظامك ومن ثم تسقط على الأرض وتذيب أي شيء يعترضها.

ينفجر هذا الحمض عند ملامسته للماء والطريقة الوحيدة لحفظه هي وضعه في أواني
مصنوعة من التيفلون وصيغته الجزيئية HSbF4 وهو أقوى من حمض الكبريتيك
ذو تركيز 100% بحوالي 10 كوادليون مرة .

من الشائع ان حمض الكبريتيك هو اقوى الحوامض المعدنية، لكن هناك حوامض تفوق قوته
بعدة اضعاف، وفي الواقع تدعى الحوامض الاقوى من حمض الكبريتيك بـ"الحوامض الفائقة Superacid"

معظم الحوامض هي جزيئات آيونية تتفكك في الماء الى آيون الهيدروجين (بروتون) الى جزيئة الماء محولةً
اياها الى آيون الهيدرونيوم H3O+، فمثلاً يتفكك حمض الهيدروكلوريك في الماء الى آيوني الكلور السالب
والهيدروجين الموجب مكوناً ايون الهيدرونيوم .

يُسمى الحامض "قوياً" إذا فقد جميع آيونات الهيدروجين فيه واستطاع الايون السالب ايواء الشحنة السالبة
المتكونة عليه، بينما يُسمى "ضعيفاً" إذا لم يفقد جميع آيونات الهيدروجين مثل حمض الخليك الموجود في الخل .

أحد الحوامض الفائقة المسمى حمض الكاربوران تبلغ قوته مليون ضعف من قوة حمض الكبريتيك لأنه يتفكك بسهولة كبيرة،
لكن هناك فرق بين الحوامض القوية التي تتفكك بسهولة (احماض قوية) وبين تلك التي تسبب تآكل كبير لما يلامسها
(احماض أكالة) .

إذ أن ما يخلفه الحامض من آيون سالب هو ما يحدد القوة التآكلية للحامض، فمثلاً، حمض الهيدروفلوريك يصنف ضمن
الاحماض الضعيفة، لكنه يخلف وراءه آيون الفلور السالب الفعال جداً والذي يتفاعل تقريباً مع كل ما يلامسه من مواد،
حتى مع الزجاج!

المعروف بثباته وخموله كيميائياً، لذا لا يمكن خزنه في قناني زجاجية، اما في حالة حمض الكاربوران فبالرغم من قوته الفائقة
إلا أنه يخلف ورائه ايون سالب مستقر لا يتفاعل مع كثير من المواد اي يمكن خزنه في قناني زجاجية بالرغم من اعتباره
اقوى الحواض الفائقة على الاطلاق .

وهناك احماض فائقة قوية وشديدة التآكل في نفس الوقت مثل حمض الفلوروانتيمونيك، ومن الاحماض المعروفة بشدة
تآكلها مزيج من حجم من حمض النتريك و3 احجام من حمض الهيدروكلوريك والمسمى بالماء الملكي لقدرته على اذابة
المعادن النبيلة مثل الذهب والبلاتين.



 

 

 


  رد مع اقتباس مشاركة محذوفة
قديم منذ /01-16-2019, 09:00 PM   #10

23

? How much is too much

http://fic-d.com/up/do.php?imgf=1523802846351.png

 

الصورة الرمزية 23

 

 

  23 متواجد حالياً

عُضويتيّ 927
الجِنسْ
تَسجِيلي May 2016
مُشآركاتيَ 1,143
نقاطي 495503
شَكرَني 3,063
شُكرت 1,771
حلآلي : 1837
قوة المستوى  :
 
 

-















مرحبا يا حلوين
مبارح كان كتير حلو و حاولت ادخل اعطيكن اخر اخباري
بس ما قدرت < و اتدلع يا كايدهم
مبارح طلعت نتيجة امتحان الي بحدد اذا انا مؤهلة للتعليم او لا و اي تخصص بناسبني
و كانت النتيجة صدمة مع اني ما كنت بعرف اني بهل ذكاء
طلع انو نسبة 100% بناسبني الفنون قمت فرطت ضحك لما حكولي لاني
المفروض النسبة ما تطلع 100% بس ع اد ما اني كل سؤال يجيني انا حط الفن
او الفنون او ما الى ذلك هههههههه و طلع كمان تحليل الشخصية من ايجابيات و سلبيات
ايجابياتي و عنجد هل الشي فيني بس ماكنت بعرف المصطلح العلمي تبعو .
عندي تصور المكاني و التفكير الاستنتاجي و هدول كتير اساسيين ك مهندس او مصمم

و الصدمة كمان انو ب المانيا هندسة الديكور الي اسما عنا بالخليج interior design يعني
تصميم داخلي بمعنى اخر و مو هندسة . اما هون ف بسمو الهندسة الديكور اسما
Innenarchitektur إنن يعني داخلي ارتشتكتور يعني هندسة . و تعتبر فرع من فروع الهندسة
يعني فيا رياضيات و حسابات . كيف مثلا بالطب في طب عام 5 سنوات بعدين بيتخصص الواحد
هون نفس الشي بدخل هندسة عامة اول شي بعدين بتخصص هندسة ديكور

يعني هون عنجد اسما هندسة مو نفس الخليج تعتبر تصميم مو هندسة . و الحلو انو دراستها هون
مسموحلي سوي تصاميم خارجية للمباني يعني كتير قريبة من المهندس المعماري . مو بس محصورة
بالهندسة الداخلية .

بتسدئوا كتير فرحت ع هالخبر . الشي الي بحبو صار كتير تخصص قوي عكس الامارات يعني لو اخدت
شهادتي بالامارات ما كنت رح كون مهندسة و عنجد كل تعبي بكون راح ع الفاضي

بس لازم جيب ايلتس الالماني C1 الي هون تالت مرحلة من الاخير يعني مستوى متقدم لاني الجامعات
هون ما بتتمسخر ف هالسنة لازم شد حالي باللغة و نشوف كيف .

مع اني والله العظيم خايفة من هالتخصص ههههههه لاني مالي بالرياضيات و الحسابات و بحب الرسم بنفس الوقت
و مبين انو ضخم يعني مو متل الامارات شي بسيط اي حدا معو ادبي بيدرسو . لما اتصل فيني اخي و حكيتلو
الي صار التلو اني خايفة و مو متخيلة حالي مهندسة هههههههه حكالي هاد كل الي بمخك وهم و اني انا لما
درست تخصصي و صرت اقرأ عن مواد تخصصي كنتي التي الخوارزمي نفسو ما رح يتخرج منو و شوفيني
تخرجت و صرت ادرس الي اصعب منو و انتي نفس الشي و الي انو مافي بني ادم ع الارض مابيقدر يسوي هالشي
بس في شخص بدو و شخص ما بدو < كلامو قنعني .

انا متحمسة كتير و فرحانة على هالاخبار اي و اخر شي الي عنجد ريحني انو شهادة الثانوية العامة رح تتعادل
لانو لازم يكون المعدل فوق ال 70% يعني ما رح عيد صف عاشر مدري حادي عشر في ناس عادوا .

ف هالاخبار كتير حلوة عطتني دافع اقوى كمان اني كمل .
اذا في اخطاء بالتقرير الي كتبتو اعذروني بس الكيبورد الماني و مافي احرف عربية



 

 

 


  رد مع اقتباس مشاركة محذوفة
قديم منذ /01-17-2019, 03:51 PM   #11

23

? How much is too much

http://fic-d.com/up/do.php?imgf=1523802846351.png

 

الصورة الرمزية 23

 

 

  23 متواجد حالياً

عُضويتيّ 927
الجِنسْ
تَسجِيلي May 2016
مُشآركاتيَ 1,143
نقاطي 495503
شَكرَني 3,063
شُكرت 1,771
حلآلي : 1837
قوة المستوى  :
 
 

-














انا اليوم كتير فرحانة كتير كتير
انا بما اني لاجئة ف بتستلمني المدينة الي قدمت فيها و الي اسما ليباخ
المهم ليباخ هي المسؤولة بمعاشي و تمويل كورسات اللغة .

ف لما رحت مشان قدم امتحان تقييم اللغة و بعد ما طلعت النتيجة بقابل واحد
هو بيفرزني ع كورس و هيك . ف صار يحكي منطاق بعيدة عن قريتي و من بين
المناطق زاربروكن . و زاربروكن كتير حلوة و فيها فتنس فيرست الي كنت فيه بالامارات
ف حكيت خليني اختار زاربروكن و اكيد رخ يمولوا الطريق كامل . و بالمرة بضرب حجرين
الجم و الكورس هههههههه ف كنت فرحانة لما سألتن حكولي انهم بمولوا الطريق و عملت
ع اساس هالشي .

عطوني اسم المدرسة و رقمهم و تواصلت معهم و عنجد تاني يوم طلعت لعندهم
مع انو الطريق بعيد و مٌكلف كتير 17 يورو و مصروفي كلو ع بعضو 350 . المهم رحت اول يوم عندهم
حكولي في اوراق ناقصة . رجعت لعندهم تاني يوم و كمان في اوراق ناقصة رجعتلن مرة تانية هيك لرابع مرة
اخر مرة عنجد هون ضاق خلقي كأنن متقصدين ياخدوني و يجيبوني . المهم اخر مرة شافني واحد اسمو ليو
و كانوا بدن يرجعوني مرة تانية لاني كان في خطأ بسيط قام هو حكالي لا خلص مارح ترجعي لانك تعبتي و هيك
و بعرف انك جاية من بعيد . حكيتلو عادي المهم انو كل شي يكون مزبوط . المهم اني بهداك اليوم تسجلت بعد
عناء طويل كل هاد لأني عنجد انا الي طلبت المكان حتى لو بعيد ما بدي ضل بالقرية مشان بدي اتعلم لغة ع السريع
و اطلع للمدن الكبيرة .

المهم بعد فترة شي اسبوع اجاني موعد عند الجوب سنتر ( هاد مركز الي بكون فيه مشرفين مسؤولين عن اللاجئين )
و قابلت مشرفي و هيك و سأل عن التمويل حكالي ليباخ بتمول بس 50% من مصروف الطريق يعني في 70 يورو رح
تندفع من مصروفي هيك صار كتير صعب . يعني بعد و تعب و كمان ادفع من عندي . هون عنجد كتيييير تضايقت .
و ضليت ابكي بهل يوم و حسيت الدنيا مسكرة بوجهي لهل الدرجة كان بدي كون بهداك الكورس ع اد ما كنت متحمسة
القرية مملة كتير و نحن عم نحكي بكورس سنة ببلش بشهر 1 بخلص بشهر 12 ف زعلت كتير وقتها .

ف من كم يوم كان عندي ماسنامه متل ما حكيتلكن و شرحتلكن عن شو هو المهم الي كانت عم تدرسنا حكتلي انو
في كورس هون ببلش ب 25 الشهر قلت خلص رح سجل هون مشان ما ضيع وقت حكتلي روحي بكرا ع زاربروكن
مشان تنقلي كورسك لهون . حكيتلا اوكي . اليوم رحت ع زاربروكن و لما قابلت ليو الي سجلني اخر مرة . حكيتلو
بدي انقل كورسي لمنطقتي . حكالي ليش هون الكورس كتير حلو و كلو شباب يعني نفس عمري مافي ناس كبيرة
بالعمر و نفس جوي و بيدرسوا جامعات و ما بعرف شو وهيك . حكيتلو والله ما قدرت ليباخ ما بتمول بس 50% و انا رح
ادفع من مصروفي 70 يورو . قام حكالي انا رح ادفع الفرق بس لا تتركي الكورس .

مع انو وقسما بالله كلما ادخل عندهم الناس عم تاكل بعضا ع اد ماهو زحمة و الكل بدو يسجل يعني مافي شواغر
و مو محتاجبني لو يعني ع من باب انن ما عندن طلاب . بس لأنن شافوا اني مٌصرة اني سجل هون و طبعا بيعرفوا
اني جاية من دبي يعني بيعرفوا اني بدي اتعلم لغة و اطلع مشان هيك اخترت المدينة . مع انهم هم خسرانين
عم يدفعوا من عندهم . اني و الله العظيم وقتها الفرحة مو شايلتني . اليوم فرحانة كتير كتير .

عنجد انو المانيا مو نفس الخليج . المانيا بس يشوفوا حدا تعب ع حالو بس شوي هن بيدفعوه لفوق اكتر بس بدن
ناس كفو بدن ناس تتعلم . عنجد كبروا بعيني مع انو كلها 70 يورو يعني بس لما سلم علي بإيدي قبل ما اطلع
و هي اول مرة بسلم بالإيد و حكالي شكرا وقتها عرفت شو بيقصد . اني سويت الي علي و ماقدرت سوي اكتر
هو ساعدني . عنجد ماعرفت شو احكيلو وقتها كنت رح ابكي هههههههه .

الحلو هون انو لما حدا يسوي اي شي حتى النفس هن بيعرفوه و بيوصلهم . علاقتي مع رفقاتي و تصرفاتي
حضوري بالموغد و اذا تأخرت كل شي بيوصلهم . و اذا عنجد كنت قد حالي هن بغضوا النظر و بساعدوا كتييير
يعني صح متشددين بقوانينهم بس لما يشوفوا شخص عنجد عم يعمل كل الي عليه بساعدوه بكل شي بيقدروا
عليه مشان هالشخص يتحسن . و بتقدروا تحكوا انو مشرفي هو رفيقي بساعدني بكل شي . حتى عم يحاول كتير
يحكي انجليزي معي مع انو ناسيها هون اغلبو الماني يعني العنصرية و التمييز الي سمعانين فيها موجودة هون .
شعب طيب جدا و بقدم كل شي للشخص . و اذا تعلمت لغتهم عندهم ياها كبيييرة لانو هن بيعرفوا انو لغتهم صعبة
ف تخيلوا اديش هالشخص بحب دولتهم لحتى تعلمها و اتقنها . ف بحطوه ع راسهم و بقدروه مو نفس الخليج
اذا حكيت اماراتي و انا سورية بيحكولي ترا مافي جواز ؟ طبعا مو الكل بس الأعلبية . هون كتير بقدروا الشخص
اذا بيحكي لغتهم .

انا رح حاول قدر المستطاع انقل صورة حلوة عن المانيا الي كل الي حولي حشوا بمخي اشياء
سلبية و ليست صحيحة .

شكرا المانيا انك جسستيني و لأول مرة بعمري اني انسانة و اني بستاهل الأحسن



 

 

 



التعديل الأخير تم بواسطة 23 ; 01-17-2019 الساعة 03:58 PM
  رد مع اقتباس مشاركة محذوفة
قديم منذ /01-17-2019, 04:10 PM   #12

23

? How much is too much

http://fic-d.com/up/do.php?imgf=1523802846351.png

 

الصورة الرمزية 23

 

 

  23 متواجد حالياً

عُضويتيّ 927
الجِنسْ
تَسجِيلي May 2016
مُشآركاتيَ 1,143
نقاطي 495503
شَكرَني 3,063
شُكرت 1,771
حلآلي : 1837
قوة المستوى  :
 
 

-


















كنت بدي ضيف اخر شي
انا مو ضد الخليج ابدا و شي طبيعي لأني كنت عايشة كل عمري بالامارات
احكي عن الفرق . بس جد شي بضايق كتير لما البلد الي انولدت فيها ماعطتني شي
بس الاحباط و انو بس الي معن مصاري وواسطات بعيشوا فيها .

علقت ع الجامعة كم سنة بس مشان الايلتس ولا حدا قدر يساعدني مع اني كنت بعرف ناس
دخلوا واسطة بدون ايلتس انو بس يتخرجوا بقدموه . الا انا لانو ماعندي واسطة .

بتعرفوا لو هالشي ب المانيا مستحيل يتركوني هيك ! رح يحاولو قدر المستطاع انهم يساعدوني
و يدخلوني كورسات ع حسابهم المهم اني اطلع و اني صير ناجحة .

هن ما بهمهم الماديات ع اد ما بهمهم طموح الشخص ! .
اول ما وصلت المانيا اجاني انفصام بالشخصية انو اديس هن مناح و اديش بحبوا يساعدوا
و اني كنت عايشة كل عمري بوهم . بس مع هيك الامارات بتضل الها مكانة بقلبي و هالشي مارح يتغير .

و هاد سبب بحكيه لكل حدا سالني ليش تركتيها .

و تخيلوا الي كتبتلي السيفي و عرفت انو انا مالي علاقة بسوريا و انو كل حياتي بالامارات حسيتا مستغربة
لما سألتني عن جنسيتي . لانو اي دولة بينولد فيها السخص و لعبش فيها كل عمرو بياخد الجنسية .

الا عند العرب غير هههههههههههههههههه
مو هالشي بضحك ؟ و صدقا هالكلام منطقي و بسأل حالي كتير عن هالسبب .

و يوم عن يوم ماعم حس بندم اني طلعت لهون . كل يوم عم اكتسفت ايجابيات اكتر من السلبيات

و الحمد الله ع كل شي



 

 

 


  رد مع اقتباس مشاركة محذوفة
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:21 PM


2018 - 2013
جميع الحقوق محفوظة لمجتمع فيكشن ,!*